أفتح قلبك

رسالة من المهموم

كنت من زمان اريد شخص افضفض له وزين مني حصلت هالموقع والله كل مشكلتي ان انا حبيت وحده حب ما تتصوره يالقلب والصراحة حبيتها من اول نظرة وعجبتني وصرت اسوي المستحيل علشان بس اجوفها بس اجوفها وهي ما تعرفني كنت ارتاح اذا اجوفها ونفسي تهدئ صرت اروح الجامعه كل يوم واحضر محاضراتي واطلع في الجامعه ادور عليها علشان اجوفها دارت الايام بالأيام وقدرت اوصل لها وكلمتها وصارحتها بحبي لها وحتى هي قالت انها كانت تجوفني وانا الحق وراها شسوووي الحب عذبني  ظليت اكلمها سنة وانا وياها والله كنت اخاف عليها حتى من نفسي صارحتها بكل شي بحياتي وهي بعد صارحتني و وعدتني ما تتخلى عني  واشياء وايد فيني تغيرت لأنها كانت معاي صرت اجوف الدنيا فيها كان كل شي كريه ومب حلو ونسيت كل شي وظلت هي في بالي كنت أعتذر على كل شي حتى لو هي غلطانه لأني كنت ابيها لي لآخر يوم في حياتي  كان كل شي طبيعي إلى الفتره الأخيره حسيتها تغيرت وايد صارت توعدني وتخلف في الوعد .. وتتهرب مني انا والله العظيم مابي شي من عندها ابي بس انها تكون سالمه و بخير وقلت لها اذا ما تبغيني قولي وراح أبتعد عنها صدق هالشيء راح يضايقني بس انا اتمنى لها كل خير هالفترة كلش ما ترد علي ولا ترد على مسجاتي انا اعتقد ان رسالتها وصلتني وهي خلاص انتهى كل شي وطلعت صج مب قعد الوعود اللي قالتها لي انا والله وعدتها وعد صريح ان انا ما اتخلى عنها  بس خساره هي اللي تخلت عني وهاي شي واضح كان من الممكن تنهي كل شيء  بس سكوتها قال لي شيء واحد علمني ان انه ادوس على قلبي وعلى مشاعري علشان كرامتي  بس حرام الايام اللي ضاعت .. حرام اللي قاعد يصير والله حرام !! صج هالشي ضايقني عدل وصارت حياتي ما له معنى بس مهما يصير يمكن خليت قلبي في يد غلط .. ومكان غلط بس كنت أحترمها واحبها من كل قلبي  وبصراحة  بس حرام ضاع كل شي.

المهموم

رسالة من : العاشق

السلام عليكم..يقولون ان الحب لا يستأذن القلوب.. وهذا ما فعله الحب معي..تسلل الى قلبي.. خطف مشاعري.. وأسرني نحو معشوقي..

السلام عليكم ..

 مادري اشلون ابدأ وفي أي نقطة بس دايما كنت احس ان الزمن و الظروف ضدي حتى في أصغر الامور مادري ليش مع الايام حسيت عدل ان الزمن ضدي في كل شي وصادتني مشاكل وايد وكان في بالي فكرة اهرب ولا ارجع او انتحر او اسوي في روحي شي علشان استريح من هالزمن .. مشاكل في البيت .. مشاكل في الحياة مشاكل ما تنحل وتصير لي عقده .. تخلي كل يوم الواحد يحس بأن وجوده صعب وايد .. وايد .. تحس ان فيه ناس قريبين منك بس خساره في اقل شي واقل مشكلة يروحون عنك ويخلونك في ضيقك ومع انك محتاجهم .. يا ما جفت ناس يعطونك الوجه الحلو ويقولون لك كلام ويوعدونك بأنهم ما بيروحون عنك و بيكونون معاك في الحلو والمر بس خساره الوعود تروح في مهب الريح وما نلقى إلا غير الطعنات .. تصدقوون مره واحد قال لي مثل .. ما طار طير و ارتفع رزق الله على السيف .. خليت هالكلام في بالي وطلع له معنى .. مهما يرتفع الشي لازم نلقى له بديل مهما يكون ..

آسف على الخربشه بس محتاااااااااج افضفض اللي في قلبي

أن يأست يوماً من الحياة وفكرت في الأنتحار فلن أشنق نفسي ولن أطلق على نفسي النار ولن ألقِ بنفسي من ناطحة سحاب لأني أعرف وبأختصار ان هنالك في الطرف الآخر من هذا العالم البغيض من يستطيع ان يسمعني!